အရင်ပို့စ်မှာပြောခဲ့တဲ့ သူငယ်ချင်းကို (အခုတော့ သူ ဘယ်သူဆိုတာ ဖွက်ထားဦးမယ်။ နောက်တော့လည်း သိသွားမှာပါ။) ဘလော့ဂ်လုပ်ပြီးတဲ့အကြောင်း အရင်ဆုံး အကြောင်း ကြားတုန်းက “မွေးတုန်းဖွားတုန်း မီးတွင်း ထဲမှာပဲရှိသေးတာမို့ အများကြီးတော့ မမျှော်လင့်နဲ့နော။” လို့ ပြောခဲ့ဖူးတယ်။
အခုတော့ မီးတွင်းထဲက ထွက်လာပါပြီ။ ဘလော်ဂါ နောင်တော် အမတော်များ ကြုံခဲ့ရဖူးတဲ့ အခက်အခဲတွေကို လည်း ညီတော်မောင့်အကူအညီနဲ့ အချိန်နဲ့အမျှ ဖြေရှင်းပြီး၊ ဖြေရှင်းဆဲ ဆိုတော့ ဒါလည်း ပူစရာမရှိတော့ပါဘူး။
ကိုယ်လက်အင်္ဂါစုံရဲ့လား၊ ရောဂါဘယကင်းရဲ့လား သေချာစစ်ဆေး၊ သန့်စင်ဆေးကြော၊ ရေမိုးချိုး၊ ပေါင်ဒါမှုန့် လေး ဘာလေးလိမ်း၊ အနှီးဖြူဖြူလေးနဲ့ပတ်ပြီး နွေးနွေးထွေးထွေးတော့ ထားဦးမှ။ လေစိမ်းအတိုက်ခံလို့လည်း မဖြစ်သေးဘူး။ အင်း ……………. ပူစရာတွေက တပုံတပင်ရှိနေသေး ………..
ဒါပေမယ့်လည်း စလုပ်ပြီးကတည်းက သွားလည်း ဘလော့ဂ်စိတ်၊ စားလည်း ဘလော့ဂ်စိတ်၊ အလုပ်လုပ်လည်း ဘလော့ဂ်စိတ်၊ အိပ်ရာထဲဝင်တော့လည်း ဘလော့ဂ်စိတ် ……..
ဒီလောက် စွဲစွဲလန်းလန်းဖြစ်လိမ့်မယ်လို့ ကိုယ့်ဟာကိုယ်တောင် တကယ့်ကို မထင်ခဲ့ဘူး၊ အံ့ရော ….
Subscribe to:
Post Comments (Atom)
No comments:
Post a Comment